கோவை: ஆரம்ப சுகாதார நிலையத்தை வீடாக மாற்றிய திமுக நிர்வாகி... விசாரணைக்கு உத்தரவிட்ட சுகாதாரத்துறை!

கோவை மாநகராட்சிக்கு உட்பட்ட வடவள்ளி 36-வது வார்டு பகுதியில் உள்ள நகர்ப்புற ஆரம்ப சுகாதார நிலையத்தை, வடவள்ளி பகுதி திமுக பொறியாளர் அணி துணை அமைப்பாளர் ஷ்யாம் சுந்தர் என்ற நபர், தனது வீடாக மாற்றி, குடும்பத்துடன் வசித்து வரும் காட்சிகள் சமூக வலைதளங்களில் வேகமாக பரவியது. இது தொடர்பாக அரசியல் கட்சி தலைவர்கள் மற்றும் எதிர்க்கட்சியினர் கடும் கண்டனம் தெரிவித்த நிலையில், இது தொடர்பாக தமிழக சுகாதாரத்துறை விசாரணைக் குழுவை அமைத்துள்ளது.

கோவை மாவட்ட சுகாதாரத்துறை அலுவலர் பாலுசாமி தலைமையில் விசாரணைக் குழு அமைத்து தமிழக பொது சுகாதாரத்துறை இயக்குனர் சோமசுந்தரம் உத்தரவிட்டுள்ளார். இந்த விசாரணையில் திமுக நபர் தங்கியதற்கு யார் அனுமதி வழங்கியது? எத்தனை நாட்களாக குடும்பத்துடன் வசித்து வருகிறார்? இதில் மருத்துவர்கள், செவிலியர்கள் சுகாதாரத்துறை அலுவலர்கள் யாரேனும் சம்பந்தப்பட்டு உள்ளனரா? என தீவிர விசாரணை மேற்கொண்டு அறிக்கையை சமர்ப்பிக்க தமிழக பொது சுகாதாரத்துறை இயக்குனர் உத்தரவிட்டுள்ளார். இதன் அடிப்படையில் நடவடிக்கை மேற்கொள்ளப்படும் என தமிழக பொது சுகாதாரத்துறை இயக்குனர் உத்தரவாதம் அளித்தார்.

தமிழ் செய்திகள்/தமிழ்நாடு/

கோவை: ஆரம்ப சுகாதார நிலையத்தை வீடாக மாற்றிய திமுக நிர்வாகி... விசாரணைக்கு உத்தரவிட்ட சுகாதாரத்துறை!